بعد الصلاه على النبى
هأبدأ و هأحكى , أحسن ما أبكى
على حالى وعلى حالك يا صاحبى
ولو قلبت عليك المآسى , كل اللى اعرف اقلهولك متأسفين
................................
لو ليك صاحب فى غزه وبلاش أقول أخ له حق عليك ودين
وجت تسأله عن ظروفه تحت الحصار و أصوات الأنين
رد عليك بحمد ربه وبصوت متين
كل اللى قالهولك كلمه واحد متشكرين
تعرف تقوله غير متأسفين
.................................
جه واحد وقالى بنصدر الغاز لأسرائيل
مش كده وبس ده بسعر أقل من بتاع التوكيل
رديت عليه وبصوت عالى صرخت مستحيل
ليه هو احنا يا خويا مهابيل
ولما يطلع كلامه صح , كل اللى قلتهوله متأسفين
..................................
وعلشان ميقولوش كلام سياسى
وعلشان احنا نس ميه ميه وبنتكلم فى الاساسى
الحضرى راح سيون , وخسر حب شوف كام مليون
وحمزه قال لجمهور الزمالك متبقوش مقرفين ده احنا برضو من الهزرايم تعبانين
لأ صحيح صعبان عليه , دى الرجوله هى دى
ولحمزه والحضرى أقول متأسفين
..............................
الواد شريف أكمنه يعنى شايف نفسه شاب ظريف
واقف مع واحده عند الكافييه
قالها نكته ولا مش عارف قالها ايه
ضحكت وبصوت مسرسع ههههيه
طب ده يب ئى اسمه ايه !!!
اقول اقول ولا خلينا احسن مؤدبين
وارجع واقول متأسفين
السبت، 30 مايو 2009
الاشتراك في:
الرسائل (Atom)